A Policía Local de Ribeira interceptou este domingo un coche que levaba máis de dúas horas circulando a gran velocidade e derrapando en diversas rúas da cidade. Os axentes actuaron tras recibir varias chamadas de veciños residentes no Malecón e no paseo das Carolinas, que alertaban da presenza dun Audi RS5 transitando de forma temeraria. Ao parecer o vehículo empezou a facer irregularidades ao redor das 07.00 da mañá.
Interceptado o coche a policia local realizou a proba de alcoholemia ao condutor de 29 anos de idade, quen dou un resultado positivo de 0,70. O home pasará a disposición xudicial para ser sometido a un xuízo rápido.
