Boiro e Puebla buscarán a súa primeira vitoria da tempada

02 Outubro 2021
CD Boiro

PP. Non comezaron da mellor forma posible CD Boiro e Puebla FC a tempada 21-22 na Preferente. O cadro dirixido por Luis Carro viu como se lles escapaban os tres puntos no último minuto fronte ao Paiosaco en Barraña. Os pobrenses saíron goleados na súa visita a Ponte dos Brozs contra o Arteixo por catro goles a cero. Pero o bo do fútbol é que cada semana presenta novas oportunidades e revanchas para resarcirse.

Así, os de Barraña visitarán o domingo ás 17:00 ao Fisterra, un equipo rocoso e que no seu campo é moi difícil de gañar. Os fisterráns veñen de gañar ao Laracha de visita por 0-2. O Ara Solis será xuíz dun encontro moi duro e no que os xogadores boirenses tentarán traer os tres puntos para a súa vila. Luis Carro terá a todos dispoñibles, a falta dalgunha baixa de última hora. Espérase que de entrada a Diego Fernández na medular.

Doutra banda o Puebla afronta o encontro na Alta o domingo ás 17:30 fronte ao Sigüeiro coa intención de deixar atrás a mala imaxe da primeira xornada contra o Atlético Arteixo. Enfronte terá a un equipo mozo, con moita calidade pero falto de experiencia, ao tratarse do filial da SD Compostela, do cal Cardeñosa é o seu adestrador.  O cadro branquiazul seguirá buscando a forma de adaptar as novas pezas ao equipo e implantar a nova filosofía. Jesús Mella non poderá contar con Jorge Viturro, que foi expulsado na xornada anterior. Tamén será a volta do ex capitán dos pobrenses, Pablo Pérez e de Diego Rivas, que a día de hoxe militan nas filas do Sigüeiro.

Outros artigos

Publicidade

Revista en papel

Opinión

“España”. Alberto Barciela

“España”. Alberto Barciela

España se hace grande con lo aparentemente sencillo. Entonces deja de ser una Europa periférica que arrambla con esa idea de que el continente termina en los Pirineos, para reivindicarse como la tierra conquistadora, que acobijó a todas lAs culturas, que se embebión...

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...