O Concello de Dodro vai celebrar o coñecemento e a investigación, poñendo o foco nas importantes contribucións das mulleres a estes ámbito. Así, con motivo do Día da Ciencia en Galicia, a Biblioteca Municipal de Dodro acollerá a actividade Mulleres Científicas, o vindeiro 8 de outubro a partir das 17.30 horas.
O evento, axeitado para nenas e nenos maiores de 5 anos, ten xa o aberto o prazo de inscricións (até o 7 de outubro), que poden formalizarse a través do número 981 80 24 72. Será unha boa oportunidade para dar a coñecer, entre pequechos e maiores, as grandes achegas de moitas mulleres (mulleres con nomes propios que cómpre coñecer) ao desenvolvemento da ciencia desde a antigüidade aos nosos días. Mulleres Científicas abéirase ao programa de actividades nas bibliotecas Ler Conta Moito.
