O Concello de Dodro apostou forte este ano por achegar á rapazada un verán de lecer e descanso pero tamén formativo e deportivo. Desta liña de traballo abrollou unha das actividades estrela: a Escola de Verán de Concilia Dodro 2021, que foi dirixida a nenas e nenos de 3 a 12 anos e que rematou este último día de agosto o seu programa de iniciativas para os pequechos da casa.
Houbo unha entrega de diplomas e máis un agasallo para todas as persoas participantes. Podemos ver as imaxes da actividade de clausura na que participou arreo a concelleira Ana Muñiz, no Facebook do Concello de Dodro.
As sesións da Escola de Verán 2021 desenvolvéronse no CPI Eusebio Lorenzo Baleirón en catro quendas: do 1 ao 15 de xullo, do 16 ao 30 de xullo, do 2 ao 13 de agosto e do 16 ao 31 de agosto.
