O pleno do Concello de Boiro debaterá o proxecto de renovación de auga para consumo en Cabo

30 Setembro 2021

O Concello de Boiro, na sesión plenaria prevista deste 30 de setembro, debaterá unha proposta para a renovación de auga para consumo en Cabo de Cruz, no tramo entre Curvera e Subuqueiro. Trátase “dunha actuación urxente que condiciona o proxecto para a mellora da seguridade viaria na DP-1107 entre Boiro e Cabo de Cruz”, sinalou o Goberno local, que propón para o seu debate un expediente de modificación de créditos por importe de 119.043,25 euros para sufragar os custes da dita renovación.

“Con esta actuación o que se pretende é renovar a rede municipal de auga potábel duns 540 metros de lonxitude con tubaxes de fibrocemento e que na actualidade presenta numerosas deficiencias que afectan a unha 80 vivendas”, indicou o Executivo, poñendo o foco na necesidade de acometer a obra “para para poder levar a cabo o proxecto de mellora da seguridade viaria dos catro quilómetros da DP-1107 que une o núcleo de Boiro e Cabo de Cruz e que vai executar a Deputación da Coruña incluído no Plan de Conservación de Viais Provinciais”. Esta actuación, dun importe de 449.881 euros contempla a demolición dos actuais pasos peonís sobreelevados para a renovación do firme e a instalación de novos redutores de velocidade.

O Concello engade que para levar a cabo esta actuación é preciso realizar primeiro a renovación do tramo de 540 metros de lonxitude na DP-1107 para renovar a rede obsoleta de fibrocemento e garantir o correcto subministro de auga potábel á poboación afectada. Con esta modificación de crédito que se propón para a súa aprobación no vindeiro pleno, sufragaríanse os custes desta actuación para logo proceder á renovación de todo o tramo da estrada que une Boiro e Cabo.

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...