O Concello de Outes publicou estes días na web municipal e nas redes sociais a oferta de actividades de cultura, deportes e do centro social para o outono e inverno 2021/2022. Podemos consultar xa o programa nos seus detalles en formato PDF.
No capítulo de escolas e obradoiros, inclúense talleres de Baile Galego (no Colexio do Cruceiro de Roo, os venres e sábados a partir do 2 de outubro), de Música Tradicional (no Colexio do Cruceiro de Roo, os venres pola tarde a partir do 1 de outubro), de Música de Banda (na Escola de Música, con comezo marcado para a primeira semana de outubro), de Pintura (na aula de pintura do Centro Xuvenil, os venres comezando o 1 de outubro), de Manualidades (en grupos en distintas parroquias do concello, un día á semana, con comezo marcado para o primeiro de outubro) e de Disfraces (do 7 de xaneiro ao 26 de febreiro, polas tardes nos centros sociais do concello).
No capítulo de actividades da Biblioteca Municipal da Casa da Cultura, haberá contacontos (os martes de 17.30 a 18.30 horas, a partir do día 5 de outubro para nenas e nenos de 3 a 10 anos) e actividades de fomento da lectura (Ler Conta Moito), incluíndo os espectáculos O que levamos nas maletas (o 5 de outubro ás 17.30 horas, con Magín Blanco), A verdadeira historia de Hamelín (o 13 de outubro ás 17.30 horas, con Moc Moc e Mere Clown) e Contos dos Ratos de Lonxedetodo (o 19 de outubro ás 17.30 horas, da man de Trinketrinke Teatro).
Respecto das artes escénicas, o Outono Teatral de Outes vén cargado de espectáculos:
-Rockeando con Ramona Órbita. Pakolas. O 25 de setembro ás 19.00 horas.
-Dúas donas que bailan. Teatro do Atlántico. O 2 de outubro ás 20.00 horas.
-Os tres porquiños. Educa Teatro. O 9 de outubro ás 19.00 horas.
-Soga e Cinsa. Aporía Teatro. O 10 de outubro ás 17.00 e ás 20.30 horas.
-Os fabulosos cleaners. Malasombra. O 16 de outubro ás 19.00 horas.
-Despois das ondas. Butaca Zero. O 23 de outubro ás 20.00 horas.
-Proxecto Noé. Sarabela Teatro. O 6 de novembro ás 19.00 horas.
-A Lingua das Bolboretas. Sarabela Teatro. O 13 de novembro ás 20.00 horas.
-4 Segundos. IO – Pistacatro. O 27 de novembro ás 20.00 horas.
-Chola, A IT Girl. Artesacia – Urdime. O 27 de novembro ás 20.00 horas.
-O mel non caduca. Ibuprofeno Teatro. O 4 de decembro ás 20.00 horas.
-Ris Ras. Baobab Teatro. O día 11 de decembro ás 19.00 horas.
-Só. Xampatito Pato. O 18 de decembro ás 19.00 horas.
-Unha festa de Nadal na fraga. Teatro Calavera. O 26 de decembro ás 19.00 horas.
-Punkdemia. Peter Punk. O 30 de decembro ás 19.00 horas.
-Laretando nas lareiras. Martín Camiña e Fani Triana. O 15 de xaneiro ás 19.00 horas.
-Tres vellas (polo menos). Excéntricas Producións. O 22 de xaneiro ás 20.00 horas.
-3Pilgrims. De Redrum Teatro. O 29 de xaneiro ás 20.00 horas.
O Concello engadiu que as inscricións nas actividades debe facerse cubrindo a folla habilitada (tamén en PDF) e entregándoa no rexistro do Concello, ben de forma presencial ou a través da nosa sede electrónica.
