Muros e Ribeira recibirán a visita da foodtruck da campaña de ANFACO para promover a conserva galega

17 Setembro 2021

As nosas conservas de peixe e marisco son un tesouro (patrimonial, culinario, cultural, económico, social e medioambiental) que cómpre coidar, visualizar e reivindicar. Co obxectivo de enxalzar o seu valor gastronómico e o patrimonio industrial galego vencellado á conserva, ANFACO iniciou unha ruta coa foodtruck ao abeiro da iniciativa de promoción Cata a lata. Percorrerá a nosa terra entre o 20 e o 27 de setembro, máis polo miúdo os concellos de Celeiro, Cariño, Muros, Ribeira, Cambados, Illa de Arousa, Cangas e Vigo. Ofreceranse degustacións a base de conservas de peixe e marisco e repartirase entre os asistentes material promocional, como por exemplo receitarios.

O foodtruck de Cata a lata situarase nos espazos próximos aos lugares máis emblemáticos relacionados coa industria conserveira de cada municipio entre as 12:00h e a 13:30h, e pola tarde, entre as 19:00h e as 20:00h.

O itinerario conta con paradas en Celeiro, 20 setembro; Cariño, 21 de setembro; Muros, 22 de setembro; Ribeira, 23 de setembro; Cambados, 24 de setembro; Illa de Arousa, 25 de setembro; Cangas, 26 de setembro e finalmente en Vigo, o 27 de setembro.

De xeito paralelo, gravaranse todos estes espazos para logo producir un documental que deixe constancia tanto das devanditas pegadas históricas e actuais como da actividade de promoción en si mesma que se difundirán a través das súas redes sociais, así como nas canles de Youtube e Vimeo.

Esta acción de promoción enmárcase no convenio de colaboración entre a Consellería do Mar da Xunta de Galicia e ANFACO-CECOPESCA para a promoción e a mellora da comercialización das conservas de peixe e marisco no ano 2021.

Outros artigos

Aguiño será sede da ACT o vindeiro sábado día 20 de xullo

Hoxe déronse cita na escultura dos percebes de Aguiño, os alcaldes de Ribeira, Boiro, A Pobra do Caramiñal, a xerencia da Mancomunidade Barbanza Arousa, o patrón maior de Aguiño, edís do concello de Ribeira e a xunta directiva da ACT para presentar a proba de remo...

+

Publicidade

Revista en papel

Opinión

“Sete anos non son nada?”. Antón Luaces

“Sete anos non son nada?”. Antón Luaces

Na mencida do 24 de abril de 2017, tres mariñeiros de Poio perderon a vida nun accidente protagonizado pola embarcación de baixura Nuevo Marco. Foi na ría de Pontevedra, e sete anos máis tarde -coma se ocorrese onte- a Xunta informa que comeza a adopción de medidas...

“Hay jueces que hacen política”. Manuel Velo

“Hay jueces que hacen política”. Manuel Velo

Hay jueces y líderes del PP que al unísono acusan al legislativo y al gobierno de que no respetan la separación de poderes cuando ellos son los primeros en no hacerlo. La separación de poderes exige lo siguiente. El poder emana de la soberanía del pueblo eligiendo al...