A parroquia de Lesende en Lousame, rexistrou novamente un incendio forestal á primeira hora da tarde deste domingo. O lume orixinouse ao redor das 15.00, e obrigou a activar un amplo operativo de extinción no que participaron ata sete medios aéreos.
A Consellería do Medio Rural mobilizou a dous axentes forestais, un técnico, oito brigadas, seis motobombas, unha pa, catro hidroavións e tres helicópteros. No dispositivo tamén participou o GES de Noia. O incendio controlado rexsitrou a queima de catro hectáreas.
Por outra banda en Muros rexistraronse esta pasada noite tres focos case simultáneos calcinaron media hectárea de monte.
O primeiro dos incendios declarouse no lugar da Alivía, en Miraflores, e non pasou de ser un conato grazas á intervención dun veciño das vivendas próximas, que logrou apagalo antes de que fóra a máis.
Pouco despois, o GES de Muros recibía un novo aviso, e de forma case simultánea comezaba a arder en dous puntos próximos en Taxes, na parroquia de Louro. Ao lugar desprazáronse, ademais de integrantes do grupo de emerxencias muradán, persoal do distrito forestal quinto, que lograron atallar as chamas con rapidez. Finalmente ardeu ao redor de media hectárea de monte.