O Concello de Ribeira informa de que se vén de levar a cabo unha actuación consistente na mellora do firme do camiño que vai de Olveira de Arriba a Campelos, na parroquia de Olveira.
A intervención forma parte do Plan de Mellora de Camiños Municipais que promove a axencia autonómica AGADER e foi executada pola empresa Nemesio Ordóñez S.A. (NOSA). Supón un investimento de 35.107 euros, IVE incluído.
A vía en cuestión, de 959 metros de lonxitude, foi obxecto do estendido dunha nova capa de aglomerado asfáltico en quente logo de proceder ao rozado e limpeza da vexetación que cubría as cunetas e sobreanchos.
