A rianxeira Aida Saco achegará un recital de piano o día 8 no Auditorio da súa vila

24 Setembro 2021

O Concello de Rianxo informou da volta do Programa de Música de Cámara 2021, un retorno que se materializa o vindeiro 8 de outubro cun concerto a cargo da pianista local Aida Saco, no que interpretará obras de Listz ou Maurice Ravel, entre outros autores. O concerto, abeirado tamén ao Ciclo de Novos Intérpretes, será o vindeiro venres 8 de outubro, no Auditorio de Rianxo, ás 20.30 horas. Será preciso, como de costume, reserva localidades no enderezo web municipal, na sección de reservas (antes das 14.00 horas do mércores 6 de outubro).

Compositora e pianista concertista formada cos prestixiosos pianistas Josep Colom e Tensy Krismant no Conservatori del Liceu, Maurizio Moretti na Schola Cantorum de París e Bart van de Roer en Codarts-Rotterdam, a pianista rianxeira Aida Saco ten no seu haber, malia a súa xuventude, importantes recoñecementos, como a Bolsa de Estudos Artísticos 2020 da Deputación de A Coruña, a Bolsa de Excelencia 2021 da Fundación Ferret-Salat, o premio Leonid Sintsev 2019, o primeiro premio do IV Premi Ciutat de Mataró, o primeiro premio da VII Rome International Music Competition, o primeiro premio e o premio especial na 1st European Online Piano Competition Salentinae Terrae 2021, o premio do público e o segundo premio no certame III Ciutat de Mataró ou o segundo premio no 10° Concorso Internazionale Città di Massa, entre outros.

Amais, a súa obra compositiva foi finalista nos V Premios Martín Códax da Música e semifinalista nos premios MIN 2020.

Aida Saco nunha imaxe de Compostela Sound

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...