A Pobra acolle en outubro un curso sobre intervención en maiores dependentes

29 Setembro 2021

A Concellaría do Desenvolvemento Local da Pobra do Caramiñal, en colaboración coa Escola Galega de Saúde para Cidadáns, organiza un curso de intervención en maiores dependentes destinado a persoas coidadoras e cidadanía en xeral. A concelleira do Desenvolvemento Local, Amparo Cerecedo (BNG), e a orientadora laboral do Concello, Blanca Álvarez, foron as encargadas de debullar o contido.

Segundo fixeron saber, as clases impartiranse do 20 ao 22 de outubro, en horario de 10.00 a 14.00 horas, na aula multiúsos da Casa da Mocidade, seguindo as medidas establecidas por mor da COVID-19. O programa estrutúrase en tres partes: coidados básicos na demencia tipo alzhéimer, na xornada do 20; mobilizacións e hixiene postural, no día 21; e prevención de úlceras por presión e sinais de alarma en alzhéimer, no día 22.

Os obxectivos principais desta acción formativa son adquirir coñecementos básicos e competencias sobre as cuestións xa referidas, así como aclarar dúbidas.

As persoas interesadas dispoñen dende o día 30 de setembro ata 6 de outubro para inscribirse a través do rexistro do Concello, tanto físico coma telemático, onde está á disposición o documento de solicitude. Tamén será preciso achegar copia do DNI. As prazas son limitadas e cubriranse pola orde de entrada. Pódese solicitar máis información mediante o teléfono de contacto 981 377 610.

Outros artigos

Ana Lojo Chan presenta na Pobra o seu libro de poemas “5”

O mes de marzo comeza na Pobra do Caramiñal cunha nova presentación literaria. O público pobrense terá a ocasión de coñecer máis polo miúdo o poemario 5, de Ana Lojo Chan. A cita será o 1 de marzo, ás 20.00 horas, no Auditorio do Museo Valle-Inclán. Xunto coa autora...

+

Publicidade

Revista en papel

Opinión

“O medo fala. Consecuencias” – Manuel Domínguez

“O medo fala. Consecuencias” – Manuel Domínguez

O 26 de febreiro publicaba neste mesmo medio, sobre a ameaza de Donald Trump e as súas consecuencias, podería parecer unha opinión, pero non, non, está baseada en feitos. En ano 2004 cando os países bálticos liberáronse das garras comunistas das URSS e pasou a...