Tras un ano de parón pola pandemia, o Torneo de Golf do Barbanza, patrocinado pola empresa pobrense CONGALSA, celebrou esta última fin de semana de agosto a súa VII edición consolidado como un evento deportivo de primeiro nivel como evidencia o feito da participación alcanzada, con 117 inscritos.
José Manuel Vidal proclamouse campión absoluto do torneo (con seis baixo par) e por outra banda Daniel Varela foi segundo (con cinco golpes por baixo do par).
Ademais, o primeiro hándicap foi para Gabriel Moral con 46 puntos e o segundo para David Montero con 44 puntos. María Pilar Vilas foi a gañadora en sénior, con 42 puntos; Marta Vázquez, en feminino, con 42 puntos e en júnior o gañador foi Miguel Pola, con 42 puntos.
Entrega de premios
Isabel Cañas, directora de RREE da compañía alimentaria participou, xunto ao xerente de Barbanza Golf, na entrega de premios e apoiou o certame promovido por CONGALSA como “un dos fitos deportivos máis significativos de cuantos pon en marcha a empresa ao longo do ano”.
