Esta tarde un lume iniciouse nas inmediacións da rotonda de Xarás e tardou unha hora en darse por controlado
A primeira hora desta tarde declarouse un incendio en Ribeira nas inmediacións da rotonda do polígono Industrial de Xarás. Medio Rural mobilizou a dous axentes, cinco brigadas, tres motobombas, dous avións e outros dous helicópteros para os traballos de extinción.
Tamén participaron efectivos do GAEM e dos bombeiros de Ribeira. Ás 16.21 horas o lume xa se deu por estabilizado, e ás 16.40 as chamas estaban controladas. A superficie queimada foi de 0,34 hectáreas a maoiría de monte arborizado e raso. Pasadas as seis da tarde o incendio deuse por extinguido.
.
