Goberno e Consellería do Mar avogan por estender a cooperación policial a todos os elos da cadea do furtivismo

23 Agosto 2021

O delegado do Goberno en Galicia, José Miñones, e a conselleira do Mar da Xunta, Rosa Quintana, mantiveron este 23 de agosto unha xuntanza para abordar a colaboración entre as Forzas de Seguridade do Estado e os axentes de Gardacostas autonómicos na loita contra o furtivismo no litoral galego. Ambos coincidiron “na importancia de que a vixilancia policial se estenda a tódalas actividades vencelladas a estas prácticas ilícitas”, comezando pola extracción e seguindo pola canle de comercialización e o transporte. A conselleira do Mar estivo acompañada subdirector do Servizo de Gardacostas de Galicia, Lino Sexto.

O encontro serviu para avaliar as medidas xa establecidas de forma coordinada para combater estas actividades delituosas e que veñen desenvolvéndose de xeito periódico entre ambos corpos. O delegado e a conselleira destacaron a boa colaboración que existe na actualidade e “na importancia de seguir afondando en mecanismos de cooperación que garantan o cumprimento da normativa de pesca e do Código Penal, de tal forma que se erradique unha práctica que causa perdas económicas e danos medioambientais indiscutíbeis nos concellos da costa galega”.

José Miñones enxalzou a actuación da Garda Civil a través dos axentes do Servizo de Protección da Natureza e da Garda Civil do Mar tanto nos portos, como lonxas e mercados e estradas e pistas rurais.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....