Boiro senta as bases do seu plan de acción a prol do clima

11 Agosto 2021

A xunta de Goberno local do Concello de Boiro aprobou a adxudicación do contrato menor para a asistencia técnica na elaboración dun Plan de Acción para o Clima e a Enerxía Sustentábel (PACES). O obxectivo deste contrato é “a redacción do documento final cunha serie de tarefas que permitan acadar uns obxectivos medioambientais e que sirva de folla de ruta na loita contra o cambio climático dende o Concello”.

O Pacto dos Alcaldes para o Clima e a Enerxía Sustentábel é unha iniciativa europea para que os gobernos locais implanten no seu territorio os compromisos en materia de clima e enerxía da Unión Europea. O Concello de Boiro adheriuse en 2019 con compromisos como o de reducir as emisións de CO2, aumentar a eficiencia enerxética ou incrementar o uso de enerxías limpas.

Como punto de partida do PACES vaise trazar dende Boiro unha estratexia global na que se inclúan aspectos como o marco actual, os obxectivos de redución das emisións e de adaptación, a asignación de persoal e capacidades económicas e a participación dos cidadáns; tendo en conta as características xeográficas, históricas, socioeconómicas e demográficas do entorno e describindo unha visión de futuro.

Para levar a cabo a redacción deste proxecto o Concello de Boiro conta co apoio da Consellería de Medio Ambiente da Xunta de Galicia e do Fondo Europeo de Desenvolvemento Rexional (FEDER) da Unión Europea, xa que está subvencionado ao abeiro das axudas destinadas a entidades locais asinantes do Pacto dos alcaldes para o clima e a enerxía sustentábel.

Outros artigos

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....