Boiro acolle este luns a XLV edición da cata transfronteiriza HGg&T de marisco en conserva

06 Agosto 2021

Boiro vai acoller este luns, entre as 17.00 e as 19.00 horas no Centro de Formación e Viveiro de Empresas de Espiñeira, unha cata de marisco en conserva que organiza a revista Hostalería Galega Gastronomía & Turismo. Na presentación da actividade, que se realizou na mañá deste 6 de agosto no Consistorio, estiveron o alcalde, José Ramón Romero; o secretario xeral adxunto de ANFACO-CECOPESCA, Roberto Alonso; e a da revista HGg&T, María Campos.

Segundo fixeron saber, máis de cincuenta latas de diferentes elaboradores (a maior parte galegos pero tamén con representación portuguesa) van ser avaliadas por un panel de catadores conformado por membros da Asociación Galega de Sumillieres, da Asociación Galega de Xornalistas e Escritores de Turismo, de Academia Galega Gastronomía, cociñeiros de renome e unha representación de consumidores habituais connesceurs. Contarase tamén con prescriptores recoñecidos no ámbito gastronómico como son ANFACO-CEOPESCA, a Confraría de Pescadores S. Bartolomé de Noia e a Asociación de Produtores Parquistas de Carril, e Escolas de Hostalaría.

Nesta cata participan marcas como Cuca, Daporta, El Corte Inglés, Orbe, Ramón Peña, Vigilante, Nosa, Ifa, Peperetes, Friscos, Conservas de Cambados, Ría de Arousa, Luís Escurís Batalla, Mariscadora, Paco La fuente ou Brújula. Todas elas en categorías de berberecho, navalla, ameixa, zamburiña, mexillón, polbo e lura, que se maridarán con diferentes viños.

“Esta experiencia, que por primeira vez se celebra en Boiro, ten con finalidade servir de base para a información e orientación aos lectores da revista HGg&T do sector hostaleiro e negocios comercializadores”, explicaron os participantes na presentación, engadindo que “para a realización da cata vanse seguir todos os protocolos sanitarios e medidas decretadas polas autoridades para o control da situación epidemiolóxica”.

Outros artigos

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...