A Asociación Rianxeira de Empresarios puxo en marcha un campaña en liña para promover o concello e o seu tecido comercial neste contexto de progresiva, aínda que interrompida, desescalada da COVID. Falamos da iniciativa Canto sabes de Rianxo?, que pon o foco na xuventude. Nela poden participar mozas e mozos de idades comprendidas entre os 12 e os 17 anos.
Propónselles o reto de buscar, na rede rianxeira de establecementos asociados, unha serie de códigos QR que os guiarán até unha serie de preguntas sobre lugares e persoeiros da rica tradición cultural de Rianxo.
Amais deste desafío, a ARE asinou un convenio en materia de prevención de riscos laborais.
Volvendo a Canto sabes de Rianxo?, o desafío está conformado por dez preguntas que as persoas participantes deberán localizar e coa axuda dos seus dispositivos móbiles acceder á web da ARE (onde deberán rexistrarse) para contestalas de xeito correcto (achegando tamén os datos dun titor ou titora).
Entre todos aqueles participantes que respondan de xeito correcto todas as preguntas sortearanse tres lotes compostos por:
· Un vale de 100 € para gastar nos negocios asociados á ARE.
· Un vale de 20 € para pedir comida a domicilio na plataforma de comercio en liña mercarianxo.gal.
· Un lote de material (mochila, botella e taza de mercarianxo.gal e paraugas e bolsa reutilizábel da
ARE e o Rianxo CCA).
Convenio de colaboración ARE – GESEME
Nos pasados días a ARE asinou un novo convenio de colaboración con novas vantaxes para tódolos seus asociados. Neste caso o convenio formalizouse con GESEME, entidade con ampla experiencia na xestión da prevención de riscos laborais. A través deste convenio GESEME ofrece aos socios da ARE os seus servizos condiciones económicas especiais:
• Auditoría previa.- Coñecer o estado actual do sistema preventivo dos asociados.
• Atención personalizada.- Interlocutor único para calquera xestión, sen necesidade de chamar a unha central de atención ao cliente, así como atención rápida e prioritaria.
• Confianza.- Ter un provedor de servizo para o que prima a calidade do traballo realizado.
• Seguridade e tranquilidade fronte a inspeccións de traballo.- Asesórase e acompáñase ao cliente, se así o require, cun equipo técnico altamente cualificado.
• Protección fronte á COVID-19.- Desenvolveńse os protocolos pertinentes en todas as actividades, así como plans de continxencia, formación e probas COVID.
• Desconto por ser asociados á asociación.- Os asociados beneficiaranse de condicións económicas
especiais, tanto no contrato de prevención de riscos como en formación.
Este convenio ven a sumarse aos outros que a ARE xa ten asinados anteriormente con outras entidades de diversos sectores: servizos bancarios, outros servizos financeiros, carburantes, protección de datos…
