Esta madrugada rexistrouse un novo acto de vandalismo coa queima de varios contedores de lixo na rúa que comunica Pérez Galdós e Escorial de Santa Uxía de Ribeira. Sobre as 4 da madrugada foron queimados dous contedores de lixo o que obrigou á intervención dos bombeiros do parque comarcal. Ase mesmo resultaron danadas varias sillas do Restaurante O Rincon de Basela. Durante a mañá deste martes efectivos da empresa de limpeza municipal procederon á retirada dos restos queimados e a repoñer os contedores queimados.
En apenas 48 é o segundo acto de vandalismo que se rexistra na capital xa que o pasado día 18, tal como informamos en O Barbanza, rexistraronse tamén danos en varios coches estacionados na zona de Bandourrío, que apareceron con rodas picadas, espellos retrovisores colgando e vehículos rodeados con cinta de carrocero, da que habitualmente se utiliza para pintar.
