Última chamada para inscribirse na VII Carreira pola Diversidade da Asociación Ambar

07 Xullo 2021

Mañá xoves 8 de xullo ás 23:59h pechan as inscricións da VII Carreira pola Diversidade da Asociación Ambar das Persoas con Diversidade Funcional. Polo momento, só quedan 40 prazas libres. Doutra banda, a modalidade de andaina virtual non terá límite de prazas e manterá abertas as súas inscricións ata o domingo 11 de xullo ás 23:59h. Ambas inscricións poderán facerse na páxina cronotec.es.

A carreira presencial terá lugar este domingo 11 de xullo, ás 10:00h na explanada de Coroso, Ribeira, mentres que a Andaina poderá desenvolverse durante toda esa fin de semana. A Asociación retoma a presencialidade nesta sétima edición para continuar promovendo e visibilizando o deporte inclusivo e a participación das persoas con diversidade funcional no deporte.

En canto aos dorsais daquelas persoas que se inscribiron na Carreira antes do luns 5 de xullo, poderán recollerse a partir de hoxe ata o venres, no horario de apertura do Centro de Recursos de Ambar. Tamén poderase chamar para recollelo noutro horario. Aquelas persoas que se inscriban despois desta data, deberán facelo o propia día da Carreira ás 9:30 horas nun dos postos que a entidade habilitará na explanada de Coroso.

Na Carreira, as saídas faranse de 5 en 5 persoas. Os participantes poderán correr sen a máscara pero nos momentos previos e posteriores a Carreira terán que levala posta. A organización facilitaralle unha máscara aos corredores e corredoras ao chegar a liña de meta.

No referente aos premios, a proba beneficiará ás 3 primeiras persoas das categorías absoluta, zapatilla inclusiva, handbike e cadeira deportiva. Os trofeos entregaranse de maneira individual as semanas seguintes á celebración da Carreira respectando así as medidas de seguridade. Para os participantes que non poidan participar nalgunha das probas deportivas, está aberta en cronotec.es a posibilidade de colaborar co “Dorsal 0” nunha cota solidaria sen límite. A recadación obtida será destinada á adquisición de material para a prevención do contaxio por COVID-19, para as persoas con diversidade intelectual.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Morre José María Caneda, histórico presidente do Compostela

Pesar no mundo do fútbol galego que lle di adeus ao histórico presidente da Sociedade Deportiva Compostela José María Caneda. Faleceu neste luns 24 de xuño, despois de loitar contra unha grave enfermidade os últimos anos da súa vida.  Caneda será lembrado polo éxito...

+

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....