Rianxo será sede do Campionato Xunta de Galicia de Tricros

O vindeiro 24 de xullo Rianxo acollerá o Campionato Xunta de Galicia Tricros, organizado polo Club Triatlón Rianxo, o Concello de Rianxo, a Federación Galega de Triatlón e Multisports Galicia SLU.

A competición reunirá a deportistas que loitarán por levarse a vitoria nun triatlón, que contará con 750 m de natación, 21 km de bicicleta e 5,2 km de carreira a pé. O campionato divídese en catro categorías: absoluta, júnior, sub23 e veterano. O prazo de inscricións xa está aberto e poderase facer ata o 20 de xullo, con 150 prazas dispoñíbeis. A inscrición pódese realizar a través da páxina da Federación Galega de Triatlón no apartado de inscricións. Os participantes deberán abonar unha cota xeral de 15 euros mediante a tarxeta bancaria no TPV.