Os servizos de emerxencia rescataron durante a pasada a tarde a un grupo de sendeiristas composto por oito membros que perdéronse mentres realizaban a Ruta da Moa, en Carnota.
Foi un dos sendeiristas quen deu conta da súa situación ao 112 Galicia ás seis menos cuarto.
Decontado, os xestores do CIAE 112 Galicia solicitaron a súa localización a través do servizo de coordenadas do Whatsapp e, unha vez recibida, transmitiuse esta información aos servizos de emerxencia.
Deste xeito, o persoal do 112 Galicia puxo a situación en coñecemento de Urxencias Sanitarias de Galicia-061, da Garda Civil, da Policía Local, da Agrupación de Voluntarios de Protección Civil e do GES de Muros.
Segundo confirmou a Policía Local ao 112 Galicia, unha vez que o grupo de sendeiristas foi rescatado, estes foron atendidos polo persoal sanitario por algún golpe, aínda que todos estaban en bo estado.
