O Campamento de Voluntariado de Amicos entrou na súa recta final na compaña da conselleira Fabiola García

16 Xullo 2021

O Campamento Voluntariado Xuvenil Inclusivo de Amicos, unha iniciativa a prol da integración e o compañeirismo na que participaron unha decena de persoas de idades comprendidas entre os 18 e os 30 anos, chegou este venres 16 de xullo á súa recta final. Fíxoo cun acto institucional na praia da Corna, na que participaron a ribeirense Fabiola García, conselleira de Política Social; Cristina Pichel, directora xeral de Xuventude; Xosé Lois Piñeiro, alcalde da Pobra, Genoveva Hermo Santos, concelleira de Medio Ambiente e José Andrés Lojo Fernández, concelleiro de Mocidade e Voluntariado do Concello da Pobra. Por parte da Asociación Amicos estivo, Xoán España, director xeral.

O campamento ten lugar no Camping Ría de Arosa de Cabío ao longo dunha ducia de xornadas, sendo a súa finalidade primordial fomentar entre os participantes os valores da solidariedade e o coidado medioambiental e premiar as súas boas prácticas.

Na xornada deste venres as e os participantes animaron á conselleira, á directora xeral e ás demais autoridades a que xogaran o xogo de Re-Mar, que lles permitiu coñecer de primeira man o traballo de revalorización de residuos mariños que se leva a cabo no campamento. Para rematar, a conselleira, a directora xeral e o alcalde da Pobra fixeron entrega dos diplomas de participación a cada un dos integrantes desta actividade de voluntariado.

Declaracións

Carolina Castro, participante do campamento mostrou deste xeito a súa satisfacción por se ter implicado na actividade: “Gustoume moito fabricar e instalar un hotel de insectos na illa de Ons encantoume a experiencia de compartir actividades con outros compañeiros” .

Daniel, que veu dende Pamplona como voluntario, expuxo deste xeito o seu punto de vista sobre o campamento: “Encantoume a experiencia de vivir o día a día coas persoas con discapacidade e a miña primeira vez e encantaríame repetir máis anos”.

Fabiola García, conselleira de Política Social agradeceu a colaboración e a participación de Amicos e das persoas que formaron este campamento de voluntariado, poñendo o foco nas posibilidades que se abriron en materia de activismo medioambiental (o programa incluíu actividades de sensibilización a pé de praia sobre a problemática do lixo mariño, como por exemplo a recollida de residuos levada a cabo este venres na Pobra).

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...