Limpeza na rede de sendeiros do Castro de Baroña

A rede de sendeiros do Castro Baroña, sen dúbida un dos principais atractivos turísticos da nosa comarca neste días de verán (e ao longo de todo ano), vén de ser obxecto dunha serie de traballos para acondicionala e poñela a punto.

Os traballos impulsados polo Concello de Porto do Son e levados a cabo polos operarios municipais favoreceron a accesibilidade a través dun roce integral dos mesmos e dos espazos lindeiros, co fin de facilitar o uso por parte de veciños e visitantes.