O Concello de Dodro sumouse á campaña de adhesión de socios do Club Deportivo Dodro, que puxo en marcha unha iniciativa de captación de apoios para coller o máximo impulso e asegurar a súa continuidade nas vindeiras tempadas, con vistas tamén a ascender de categoría.
As modalidades de participación son as seguintes: abono individual 30 euros, abono parella 50 euros, abono xubilados 25 euros e socios protectores 50 euros.
O Club Deportivo Dodro é un equipo de fútbol que compite na Terceira Autonómica.
O equipo naceu no verán do ano 2000 como continuación do CD Bacelos, que a súa vez tamén foi continuación do Laíño CF, histórico club de fútbol local, que chegou a xogar en Primeira Rexional e a gañar a Copa do Sar 3 veces. Chegou a ter unha sección independente de voleibol.
