Conta atrás para a XII Carreira Popular Concello de Rianxo

26 Outubro 2026

Rianxo quenta motores para a XII Carreira Popular do 31 de outubro con previsión de acadar os 700 participantes

A vila de Rianxo volverá converterse no epicentro do atletismo comarcal o vindeiro sábado 31 de outubro coa celebración da XII Carreira Popular Concello de Rianxo. A cita, que figura no calendario oficial da Federación Galega de Atletismo e no XII Circuíto Provincial de Carreiras Populares da Deputación da Coruña, foi presentada na Casa do Concello polo alcalde, Julián Bustelo; o concelleiro de Deportes, Julián Alcalde; e o técnico municipal de Deportes, Ramón Villanustre.

O rexedor cualificou a xornada coma «unha festa deportiva moi consolidada desde hai anos e que enche Rianxo de deportistas, familiares e seareiros». A organización rexistra xa preto de 300 atletas apuntados e mantén a expectativa de chegar aos 600 ou 700 participantes habituais nas diferentes franxas de idade, abranguendo dende os máis pequenos (a partir dos 3 anos) ata as categorías absolutas e veteranas.

Un percorrido chairo de 10 km polo centro e a liña de costa

A proba raíña contará cun percorrido homologado de 10 quilómetros. Segundo explicou Julián Bustelo, trátase dun trazado pensado para o goce de corredores e afeccionados: «Vai polo centro da vila, onde os participantes reciben o apoio continuo do público, e conta cun tramo moi pegado á beira do mar. Ao ser un circuíto moi chairo, permite que os deportistas acaden moi bos rexistros persoais».

Premios, homenaxe a Neira Hermina e fin de prazo

Xunto cos premios en metálico xerais, a organización establece un recoñecemento específico para os primeiros clasificados locais. Tamén se fará entrega do xa tradicional Trofeo Xosé Neira Hermina, galardón en lembranza do veterano corredor que competiu nesta proba con máis de 80 anos. Todos os que rematen a proba terán medalla conmemorativa e os inscritos na carreira absoluta recibirán unha camiseta técnica.

  • Peche de inscricións: Martes 27 de outubro ás 23:59 horas.
  • Xestión de prazas: A través da web Emesports.es. Por motivos de loxística e cobertura de seguros, non se tramitarán altas fóra dese prazo.

Outros artigos

Declarado un incendio nun inmoble da parroquia ribeirense de Olveira

Interveñen de urxencia nun incendio declarado nunha vivenda na parroquia de Olveira, en Ribeira Bombeiros Ribeira Un operativo conxunto de emerxencias mobilizouse na parroquia de Olveira, no termo municipal de Ribeira, tras declararse un incendio no interior dun...

+

Publicidade

Revista en papel

Opinión

“La violencia no cabe en A Coruña”. José Castro López

“La violencia no cabe en A Coruña”. José Castro López

El poeta ourensano Alberto García Ferreiro, contemporáneo de Curros y Pondal, era unadmirador de A Coruña a la que dedicó el poema “Ben te vin” en el que resalta labelleza de la ciudad que pone a nivel del Paraíso celestial después de pedir a San Pedroque no escuche...

“Libros para salir al mundo” – José Antonio Constenla

“Libros para salir al mundo” – José Antonio Constenla

Cuando un autor te deja tan buen recuerdo con sus obras anteriores, uno siempre está dispuesto a seguir leyéndolo. Esto es lo que me pasa a mí con Juan Pedro Delgado Espada, a quien sigo desde aquel Mosquetero del Rey. Ahora he vuelto a disfrutar mucho con sus dos...

O Barbanza
Resumo de privacidade

Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.