Turismo da Deputación da Coruña defende en Barcelona o modelo dos parques patrimoniais e a Reserva das Mariñas

10 Xuño 2021

O vicepresidente e deputado de Turismo da Deputación da Coruña, Xosé Regueira, defenderá na feira B-Travel de Barcelona o modelo de xestión dos proxectos supramunicipais de parques patrimoniais nos que está traballando xunto cos concellos nun evento en que terá espazo propio e promocionará tamén o proxecto de Reserva da Biosfera das Mariñas. O proxecto de Parque de Ortegal, o do Megalitismo da Costa da Morte, o da Idade de Ferro da Barbanza, o Compostela Rupestre ou o do río Anllóns  ademais da Reserva da Biosfera das Mariñas centrarán a participación da Deputación da Coruña programa da feira de turismo industrial de Barcelona, B-Industrial, que se celebra dentro do salón internacional de turismo B-Travel.

Regueira e Josep Maria Pey, director de B-Industrial

“Nestes últimos tempos estamos a traballar no deseño dun modelo de actuación no patrimonio a través dos parques supramunicipais que son, ao noso ver, un exemplo de cooperación e promoción do patrimonio e, neste sentido, queremos promocionar en B-Travel estas ferramentas de especial relevancia tamén para a súa difusión e posta en valor”, sinala o deputado de Turismo e vicepresidente da Deputación da Coruña, Xosé Regueira.

Neste sentido, xunto co técnico Ángel Eiroa, defenderá na intervención oficial no programa da feira o conxunto de proxectos  patrimoniais que poden centrar a atención de representantes do sector que se dan cita na xornada profesional de Turismo Industrial nun programa no que tamén se presentará o proxecto de Reserva da Biosfera das Mariñas e Terras do Mandeo, primeiro destino de ecoturismo certificado de Galicia por parte do técnico Diego López e o presidente José Antonio Santiso Miramontes.

“Como comprobamos en Fitur, os nosos xeodestinos son de especial interese para as demandas do sector neste momento de recuperación tras a crise imposta pola pandemia. O mercado do turismo aposta por unha oferta de calidade, con atención á paisaxe e nós podemos responder con grande nivel a esas demandas”, explica Xosé Regueira que valora moi positivamente a recepción que en Fitur tivo a presentación do proxecto de Xeoparque de Ortegal.

A Deputación da Coruña participará tamén cun stand de 24 metros nos que se distribuirá información de carácter turístico dos xeodestinos e os concellos da provincia. Neste ano B-Industrial ofrece tamén unha actividade de Escape Room arredor da espionaxe industrial na que, entre outros premios, a persoa gañadora recibirá un lote de produtos gastronómicos da Reserva da Biosfera das Maniñas Coruñesas e o Mandeo.

B-Travel é unha feira referente no sector do turismo de experiencias, con zonas expositivas que en cada edición recibe uns 36.000 visitantes e 1.233 profesionais con 189 expositores de máis de 40 países.

Outros artigos

Este venres entrégase en Rianxo o Premio Muller Salgada 2024

Mulleres Salgadas entregará o vindeiro venres día 28 de xuño o seu Premio Muller Salgada 2024. O acto, que conta coa colaboración do Concello de Rianxo, terá lugar ás 18.30 no Auditorio de Rianxo (A Coruña). A orixe do galardón A cultura do esforzo xeneroso,...

+

Incendio no estaleiro de ribeira na Barquiña no concello de Outes

Dotación de bombeiros do Consorcio Contra Incendios e Salvamento de A Coruña con base en Boiro e Ribeira xunto Ges de Noia e Garda Civil intervimos en incendio de Asteleiro de Ribeira na Barquiña no Concello de Outes. Ao redor das 02:37 horas rexistrouse un incendio...

+

O Concello de Ribeira xa dispón do seu propio bastón

Entrega do bastón de mando (imaxes de José Manuel Martínez, Concello de Ribeira) Na maña do pasado 14 de xuño celebrouse a xunta de coordinación ordinaria no Concello de Ribeira, unha xuntanza que rematou dun xeito que tivo pouco de ordinario: coa estrea oficial, no...

+

Publicidade

Revista en papel

Opinión

“La Confianza” – José Antonio Constenla

“La Confianza” – José Antonio Constenla

En la actualidad atravesando una crisis de confianza, con mil explicaciones, pero ninguna sencilla ni clara, que dificulta la comprensión del mundo en el que vivimos. Un efecto de estos es que los discursos no sintonizan con la realidad en la que estamos inmersos....