“Saúde pública en Europa” – José Manuel Pena

O beber demasiado alcol, o fumar, o non facer exercicio, o abusar das drogas ou o comer alimentos que nos fan dano, son algunhas das ameazas para a nosa saúde que provén do modo e o estilo de vida de cada un de nós. Resulta extraordinariamente preocupante de que o consumo de tabaco é a principal causa de morte evitable na Unión Europea, así se calcula que o 25% das mortes de cancro e o 15% das mortes na UE débense a este tipo de dependencia.

Por outra banda, tamén a tensión que xeran as presións diarias ás que nos vemos sometidos polo noso estilo de vida competitivo e algunhas veces polas nosas adiccións, como o alcoholismo, e o estarmos expostos á violencia ou a abusos, teñen un efecto negativo, directo ou indirecto, na nosa saúde. A depresión e outras enfermidades mentais son problemas de saúde pública cada vez maiores.

Segundo varios estudos, sinálase que os máis propensos a suicidarse son os homes solteiros, as persoas que abusan de sustancias tóxicas e os desempregados, e que as taxas son máis elevadas nos países do norte de Europa que na maioría dos países do Mediterráneo. Se suicida máis xente ao ano da que morre nas estradas. Ao ano suicídanse unhas 58.000 persoas e 40.000 morren na estrada. Isto, sen dúbida, débenos facer reflexionar sobre o noso modelo de saúde pública e estilos de vida.