O Servizo de Deportes de Rianxo, en colaboración coa Piscina Municipal, organiza unha andaina para subir ao Pico Muralla.
O percorrido, que terá lugar o 3 de xullo, iniciarase na área recreativa da Laxe e chegará ata o Pozo Bastón. Desde alí subirase ao Pico Muralla para descender ata Ourille e volver ao punto de inicio.
A hora de saída da andaina será ás 8:15 horas da mañá e a dificultade do percorrido será media – alta. Por iso é preciso que participen persoas maiores de 16 anos.
O prazo de inscrición xa está aberto e haberá límite de prazas, por orde de inscrición. Desta forma, os interesados poderán reservar o seu posto na Piscina Municipal de Rianxo ou chamando ao 981 860 086.
