O Concello de Porto do Son vai realizar unha nova intervención para afianzar a consolidación do Castro de Baroña. Isto permitirá manter o estado dun dos grandes tesouros máis importantes do patrimonio da comarca de Barbanza.
O obxectivo da obra consistirá en restaurar as estruturas danadas polo paso de visitantes e protexer os seus muros. En xeral, levaranse a cabo traballos de mantemento que garanten a conservación dos elementos escavados.
Segundo fixo saber recentemente o arqueólogo, Tito Concheiro, “dende o 2015 non se fixeron tarefas de conservación e o ano pasado foi problemático porque o aluvión de visitas que se rexistrou tralo confinamento foi agresivo para o xacemento”. Desta forma, a actuación realizarase este verán, aínda que existe unha gran complexidade de tramitación por parte da Administración titular do Castro.
Con todo, o Concello de Porto do Son estuda fórmulas para controlar as visitas ao recinto. O alcalde da localidade, Luis Oujo, sinalou que “hai momentos nos que hai tanta xente que é incluso incómodo andar entre as construcións do castro”. Por iso, unha das solucións que se barallan é aplicar un pago de un prezo simbólico.
