Boiro acolle entre este sábado 26 e o 30 de xuño o LV Campionato de España de Voleibol, que se vai celebrar a maioría dos seus partidos no pavillón da Cachada. Na presentación, que se realizou esta mañá no Concello de Boiro, participaron o concelleiro de Deportes, Marcos Fajardo; o presidente do Club de Voleibol, Emilio Palacio; o presidente da Federación Galega de Voleibol; José Angel Luna; o adestrador, Adrián Alves; e os capitáns dos cadetes xuvenil e cadete, Alán Davila e Óscar Muñiz.
Nun ano difícil para organizar eventos, o Boiro Voleibol e a Federación Galega de Voleibol xunto co Concello de Boiro levan a cabo esta proba que xa se realizou no ano 2018. Participan 24 equipos xuvenís e que van estar en cinco días, do 26 ao 30 de xuño.
O concelleiro de Deporte, Marcos Fajardo, deulle a noraboa aos equipos cadete e xuvenil que van participar nos campionatos de España, o cadete viaxa hoxe a Valencia e o xuvenil que vai competir en Boiro. “Imos vivir cinco dias de
volei ao máximo nivel. Boiro volve a ser a capital deste deporte coa celebración do Campionato de España” afirma o concelleiro de Deporte, Marcos Fajardo.
