En Outes este vindeiro 28 de xuño no Náutico do Freixo ás 20 horas van comezar as xuntanzas informativas sobre os composteiros domésticos que vai distribuír o Concello para fomentar, nas familias, a sustentabilidade en materia de residuos domésticos. As sesións coa veciñanza, nas que tamén se vai facer entrega dos ditos recipientes de materia orgánica, serán sete e desenvolveranse en diferentes lugares do termo municipal até o día 7 de xullo, cando culminarán cunha xuntanza na Serra, na Casa da Cultura ás 20.00 horas.
Segundo informou o Concello, será comunicada telefonicamente ás veciñas e veciños a súa condición de participante no programa Compostamos de Outes, así como a data e lugar de reparto de composteiros.