No Son convocado un curso de seguridade en actividades de lecer no mar

O Concello de Porto do Son vai realizar un curso de seguridade en actividades de lecer no mar. Nesta iniciativa colabora a Escola Galega de Saúde para Cidadáns.

O curso, de balde, ten unha duración de 3 horas e realizarase o luns 28 de xuño, ás 17:00 horas, na Casa da Cultura da localidade. A sesión estará a cargo de Manuel Capeáns Álvarez, xefe do Centro de Control de Tráfico e Salvamento Marítimo de Fisterra.

O obxectivo desta actividade é concienciar á poboación da importancia da seguridade e a prevención nas actividades náuticas, así como coñecer e distinguir as medidas para previr os accidentes.

Aquelas persoas interesadas en participar, deberán inscribirse a través do correo electrónico jose.pazo@portodoson.gal .