Este 25 de xuño vaise presentar na Pobra o libro Memorias dunha estrela sen luz, da escritora e activista local Andy da Fonte. A cita (que tivo que ser aprazada até este mes de xuño por mor da complexa situación de alerta sanitaria) será no Teatro Cine Elma ás 20.30 horas, e contará coa presenza da autora do libro e máis de Manuel Cartea, presidente da Asociación Cultural Barbantia, Antón Riveiro Coello, escritor e vogal de Barbantia, e Patricia Lojo Nine, concelleira de Cultura da Pobra. O acto inclúe unha intervención musical a cargo de Sabela King e Benjamín Vázquez.
As persoas que queiran acudir poderán facelo sempre e cando reserven a súa localidade na Concellería de Cultura da Pobra, na Casa da Cultura Raquel Fernández Soler, no teléfono 981 831 545. A reserva será efectiva unicamente cando se confirme desde a Concellería de Cultura da Pobra.
