Os días pasados inaugurouse na Sociedade Liceo de Noia a mostra Arte de Mar, unha exposición de diversas e variadas pezas elaboradas cos refugallos apañados durante os traballos de limpeza dos areais da contorna noiesa programados ao abeiro do proxecto EcoNoia 2021.
O principal obxectivo desta exposición é concienciar sobre o problema do lixo mariño nas nosas costas, un problema que lonxe de diminuír vaia a máis e que precisa de toda a cidadanía para poñerlle freo e solución.
No acto estiveron presentes o alcalde da vila, Santiago Freire Abeijón, a concelleira de Relacións Institucionais, Laura Salgado, a deputada autonómica, Ana García, a directora xeral de Desenvolvemento Pesqueiro, Susana Rodríguez, o patrón maior, a presidenta das Mariscadoras de Noia, representantes da Sociedade Liceo e das distintas asociacións que participaron na exposición: Alivavá, Mar de Noia e A Creba.
