A Garda Civil de Outes con axentes de Muros detiveron a un home veciño do primeiro municipio como presunto autor dun delito contra a saúde pública tras serlle intervidas dose de cocaína e varios cogollos de marihuana.
Os feitos sucederon cando unha patrulla do Posto de Muros que realizaba un servizo de prevención da seguridade cidadá na localidade de Freixo-Outes observou nun camiño apartado a unha persoa subida nunha bicicleta apoiada nun turismo, que realizaba “movementos estraños, coma se estivese a intercambiar algo co ocupante outro vehículo”.
Os axentes acharon ocultas entre a súa vestimenta dúas bolsas de plástico as cales contiñan unha substancia branca, supostamente cocaína, que lanzou un valor de 33 gramos tras a súa pesada e sete cogollos supostamente de marihuana.
A Garda Civil procedeu ao rexistro da outra persoa e do vehículo onde atopou un bolso con 3.600 euros en moeda fraccionada, cuxo propietario non achegou ningunha xustificación da súa procedencia.
A Benemérita procedeu entón á detención do primeiro individuo como presunto autor dun delito contra a saúde pública e á incautación das substancias e o efectivo atopado ao non poder xustificar o seu propietario a procedencia do mesmo. O detido, xunto coas actuacións realizadas e os efectos incautados, foi posto ao dispor do xulgado de Instrución de garda de Muros.