A cifra de afectados en Carnota elévase xa a 18, co que a incidencia acumulada a 7 e 14 días sitúase en 461 casos por 100.000 habitantes. Tamén empeora lixeiramente a situación en Porto do Son, que suma un novo incremento ao que xa se rexistrou o sábado. Nunha situación parella está Lousame, que de non ter ningún infectado a sete días está agora na franxa de entre 1 e 9.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 1.451 deles 471 son da área da Coruña, 189 da de Lugo, 164 da de Ourense, 207 da de Pontevedra, 209 da área de Vigo, 146 da de Santiago e 65 da de Ferrol.
Do total de pacientes positivos, 12 están en UCI, 36 en unidades de hospitalización e 1.403 no domicilio. Polo de agora, en Galicia hai un total de 125.371 persoas curadas, rexistrándose 2.435 falecementos.
O número de PCR realizadas é de 2.350.751.
O número de doses de vacina contra a covid-19 administradas é de 2.636.787.
A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente. Os datos de escolas infantís e centros de ensino non universitario corresponden aos rexistrados diariamente a través dos propios centros e as xefaturas territoriais.
Uso do 061 para casos graves e emerxencias e o 900 400 116 para dúbidas.
Rexistro de viaxeiros no 881 00 20 21 e indicacións sobre o uso da máscara
