A ruta O Cabaleiro das Cunchas, que fará recalada en Portosín, xa ten data de partida

23 Xuño 2021

A Ruta Marítima Xacobea O Cabaleiro das Cunchas, un percorrido marítimo conxunto en augas de Galicia e Portugal, xa ten data de partida. As embarcacións sairán dos peiraos de Bouzas (Vigo) o próximo 31 de xullo para percorrer, entre ambos os países, máis de 300 millas náuticas, uns 555 quilómetros que rematan cunha peregrinación á compostelá praza do Obradoiro e e cunha ofrenda ao Apóstolo Santiago.

Baseada na tradición de Bouzas recuperada por un dos seus fillos predilectos, Paulino Freire, a Ruta de O Cabaleiro das Cunchas está baseada na tradición de A Traslatio do corpo do Apóstolo Santiago, rememorando a lenda do dito cabaleiro, un nobre medieval morto por unha lanza ás beiras da localidade viguesa, sucumbindo no interior das súas augas e devolto á mesma co paso do corpo do Apóstolo, saíndo da mar a lombos do seu cabalo recuberto de cunchas, atribuíndose o milagre ao mesmo Santiago.

Recepción de navegantes no Museo da Navegación de Baiona

A deste ano é a edición XI, unha convocatoria que se ben non se puido celebrar o pasado ano debido á pandemia, regresa agora con toda a enerxía e a repercusión das edicións previas.

Foto de familia en Santiago co alcalde de Porto do Son, Luis Oujo

A edición 2020 da Feira Internacional do Turismo (FITUR) foi o seu marco de presentación cunha madriña de honra, a directora de Turismo de Galicia, Nava Castro, quen chegou a comentar que “a ruta do Cabaleiro das Cunchas é un bo exemplo dese espírito que compartimos, o da ilusión de vivir o camiño e o de vivir a cultura Xacobea”.

Cidades e vilas como Póvoa de Varzim, Aveiro, Vila Nova de Gaia (a máis ao sur por baixo do Porto), Viana do Castelo, Baiona ou Portosín conforman o amplo periplo náutico, e que conta coa colaboración de todos os municipios nos que a frota de barcos arribará aos seus respectivos portos.

A ruta celébrase desde o ano 2010, promovida pola Asociación de Amigos da Ruta Marítima, co patrocinio do Plan Xacobeo 21-22 e a Correduría de Seguros S4, unindo Portugal con Galicia para levar aos peregrinos até Santiago.

O prazo de inscrición xa está aberto e pódese xestionar en www.rutamaritimadocabaleiro.com ou chamando ao teléfono 647 671104.

Outros artigos

O Concello de Boiro impulsa os xogos tradicionais nas parroquias

O Concello de Boiro leva os xogos tradicionais ás parroquias mediante o programa Xogantina para fomentar o os xogos populares e inclusivos. No marco desta actividade vaise desenvolver unha xornada de actividades lúdicas tradicionais destinada aos centros de ensino e...

+

Publicidade

Revista en papel

Opinión

“Para vivir ben, Galicia!”. Luís Celeiro

“Para vivir ben, Galicia!”. Luís Celeiro

A morte, se pensas nela, se recordas ao amigo no cadaleito camiño cara ao máis alá ou seves ao teu pai deitado caladamente nun féretro de madeira nobre, diante dunha multitudede xente chorando, a morte -dicimos- fai estremecer a alma dos vivos, fai que se apague aluz...