A praia de Portosín colle impulso cara a súa rexeneración

O proxecto para liberar a duna da praia de Coira dunha construción que nunca se debeu ter feito enriba dela, o Colexio de Portosín, recibiu un empurrón decisivo estes días coa licitación, por parte de Costas do Estado, dos traballos para derrubar o inmóbel emprazado no devandito areal. En datas próximas procederase ao comezo dos traballos para a demolición do edificio que alberga o actual centro educativo, co fin de recuperar o entorno natural perdido dende fai décadas.

O alcalde de Porto do Son, Luis Oujo, explicou esta semana que o proxecto “consiste nun plan medioambiental co que se recuperará esa contorna e se abrirá ao mar a fachada marítima de Portosín”. Ademais, sinalou que “con este acordo conséguese non só devolver á praia o espazo roubado senón tamén humanizar e mellorar a avenida de Coira e dotar esta parroquia cunhas instalacións educativas de primeiro nivel”.

Doutra banda, Pouso referise ao novo colexio que resaltou que, segundo o novo plan de arquitectura pedagóxica que manexa a Consellería de Educación, “supón un cambio radical de concepto en canto ao deseño e intervención e ao servizo dos retos educativos do futuro”. A estrutura contará con espazos máis amplos, con máis áreas ao aire libre e patios cubertos, centros máis sustentábeis e adaptados á era dixital. En definitiva, un colexio de vangarda.

O novo edificio situarase na zona Os Moimentos e terá un anexo ao núcleo urbano para facilitar a mobilidade das familias ao colexio.

Este proxecto é froito dun acordo histórico entre o Concello, a Xunta e Costas do Estado.