A ESMU do Son brinda o 9 de xullo o seu recital de piano de remate de curso

O vindeiro venres 9 de xullo a Casa da Cultura de Porto do Son vai acoller o acto de clausura do curso 2020-2021 da Escola Municipal de Música do Concello.

A cita dará comezo ás 20.00 horas. Nela, as alumnas e alumnos de piano da ESMU de Porto do Son achegarán o seu talento e as súas habilidades do devandito instrumento. O aforo será limitado por causa da COVID-19. As entradas, limitadas, pódense formalizar online.