Rianxo acollerá os cursos de vela e windsurf da Deputación

A Deputación da Coruña vén de anunciar que Rianxo, xunto a Cariño, Mugardos, Pontedeume, Ponteceso e Dumbría, acollerán este ano, entre o 5 de xullo e o 13 de agosto, os cursos da campaña de vela e windsurf 2021. En Rianxo terán como data do 9 ao 13 de agosto.

Estes cursos están destinados a rapaces e rapazas de entre os 9 e os 18 anos pertencentes a Rianxo. Un dos requisitos clave será saber nadar e estar empadroado no concello. As clases terán unha duración de cinco días en quendas de mañá (de 10 a 14 horas) e de tarde (de 16 a 20 horas), nas que se realizará unha iniciación aos principais conceptos teóricos e prácticos da navegación a vela, así como un curso básico de windsurf.

A empresa adxudicataria deberá contar cun equipo de traballo formado, así como con embarcacións tipo omega, topaz e optimist, táboas de windsurf, velas e tres lanchas pneumáticas de apoio, ademais de material de seguridade para os participantes.