Outes celebra as Letras Galegas cun contacontos e cos premios do Certame de Poesía Francisco Añón

O poeta local Francisco Añón

O Concello de Outes compartiu con nós o seu programa do Día das Letras Galegas. Comeza este 11 de maio cun contacontos, Aquelando as nosas letras con Xela. Será na Biblioteca de Outes e virá da man da compañía A Run Run. Haberá prazas limitadas polo que hai que anotarse chamando ao teléfono 981 850 950.

Xela Arias, homenaxeada este ano no Día das Letras Galegas

Por outra banda, o propio día 17 de maio, Día das Letras Galegas, ás 17:30 horas, volverá celebrarse na Casa da Cultura a gala de entrega de premios do XXV Certame de Poesía Francisco Añón. Este premio organizado polo Concello cumpre 25 anos e pretende promover os valores creativo-literarios na nosa lingua. Haberá prazas limitadas para garantir as normas de prevención sanitaria e as persoas interesadas en asistir deberán chamar ao teléfono 981 850 950.