Outes alberga esta fin de semana a segunda proba do Trofeo Fibralar de Motonáutica Inclusiva


Joaquín Barrio Guldrís e Joaquín Barrio Bouzas

A segunda cita do Trofeo Fibralar de Motonáutica Inclusiva, que promove a gran empresa de servizos da internet,
baixo a organización da Real Federación Galega de Motonáutica, chega esta fin de semana a Outes.
Grazas ao proxecto “Un mar para todos”, coordinado por ADECO- DEA (Agrupación Deportiva Costa Oeste-Deporte Adaptado), as augas do Freixo converteranse na pista de despegamento dunha das citas máis atractivas da motonáutica en Galicia, ao estar en xogo o título de campión galego de 2021, un cetro que, de momento e tras a celebración da primeira proba en Portosín, ostentan os locais Pepe Barrio e Pilar Sarmiento. Non en balde os noieses son os “ invictores” da edición do pasado ano, proclamándose campións da comunidade na última xornada que se disputou no Miño, tendo por testemuña o Concello de Goián.
De preto séguenlle tripulacións como as formadas polos pilotos de Sada, Carlos Facal e Almudena Fagil, que foron segundos na primeira proba, e tamén os noieses Joaquín Barrio Guldrís e Joaquín Barrio Bouzas, bronce en Portosín.

José Luís Álvarez e Oswaldo Davila