Dende a Asociación Amicos a través do proxecto RE-MAR no día de hoxe levan a cabo un acto de limpeza de fondos de residuos mariños na illa de Sálvora coa axuda de varios buzos membros de Náutica Medusa, de Vilagarcía de
Arousa.
Ademais da limpeza, identificación, clasificación e separado dos residuos que se recolleron, fixemos un bautismo de buceo para as persoas con discapacidade intelectual gracias aos membros da Náutica Medusa. Os nosos compañeiros Alfonso Pérez e Miguel Cancelas, xunto cunha técnico de desenvolvemento, Vanesa Tubío, puideron probar por primeira vez a mergullarse nas augas de Sálvora.
Acompañáronos nesta xornada o Concelleiro de Relacións Institucionais, Promoción Económica e Turismo do concello de Ribeira, Ramón Doval Sampedro e a súa compañeira, a Concelleira de Administración, Innovación Tecnolóxica e Transparencia, Atención e Participación Cidadá, Ana Barreiro Rego, ques valoraron positivamente a iniciativa.
“Temos que deixar para os nosos fillos e os nosos netos, un entorno máis sostible. Por iso recoñecemos a labor que está facendo AMICOS e esperamos aprender desta xornada”, comentou Ramón Doval.
“Con estas actividades potenciamos o coidado do medio ambiente coa discapacidade intelectual como motor de cambio. É importante realizar activismo medioambiental, pois non hai un plan b para o planeta” sentenciaba Xoan España, Director Xeral da asociación .
“Foi moi divertido e non tiven nada de medo, gustaríame repetir a experiencia” explicaba ilusionado Alfonso Pérez, usuario con autismo da Asociación Amicos.
O nosos compañeiros da Náutica Medusa de Vilagarcía de Arousa retiraron arredor de 20 quilogramos de residuos do fondo mariño, procedentes de artes de pesca fantasma como nasas, redes, áncoras… que logo clasificaron e retiraron da illa de Sálvora.
