O espectáculo Hell Brothers de Cirkompacto chega este venres a Boiro

Este venres 21 de maio estarán en Boiro os integrantes de Cirkompacto para presentar o seu espectáculo teatral Hell Brothers, unha cita moi indicada para público infantil e familiar. A sesión comezará ás 20.00 horas na praza do Concello. A reserva de entradas hai que facela online a través da web municipal.

Cirkompacto é a unión creativa de Iván Casanova e Malala Ricoy. Trátase dunha compañía centrada en mesturar o circo e as artes escénicas, poñendo o foco nun terceiro ingrediente: a educación social

Sinopse

Rejhuz e Glakghs Setén son fillos de Satanás. O seu pai decide botalos do inferno para que aprendan a gañar o mal por si mesmos. Rejhuz, o maior, é un ególatra que chega á terra disposto a dominar a humanidade pero… que van atopar? Son estes dous pobres diaños tan malos como presumen?