Este sábado o Náutico de Portosín celebra un test day sobre a práctica deportiva do wingfoil

O Real Club Náutico Portosín organiza este sábado 29 de maio un evento sobre kitesurf e wingfoil centrado nunha das marcas máis representativas e prestixiosas ligadas a estas novas prácticas deportivas: F-One. Trátase dun Test Day WingFoil, xornada demostrativa e divulgativa que contará coa colaboración de Iago López Marra e Juan La Torre como representantes de F-One.

Para quen non o saiba, dicirlle que o wingfoil é unha nova modalidade moi recente que consiste no manexo dunha á (wing) sen estar unida á táboa e que tampouco precisa de liñas: manéxase só coas mans podendo estar unida a un cabo de arnés ou leash.

As persoas interesadas en participar poden inscribirse a través da Escola de Vela Portosín Team ou mandando un correo electrónico a escuelavela@rcnportosin.com.