O Concello de Dodro, a través da Concellería de Educación, Deportes e Emprego vén de poñer en marcha unha proxecto piloto para as pistas deportivas ó aire libre. A iniciativa consiste na instalación dunha caixa con material deportivo. Neste caso concreto, unha pelota de baloncesto e un balón de fútbol sala.
“O funcionamento é moi sinxelo, xa que as persoas usuarias da instalación só teñen que abrir a caixa para coller o material que vaian utilizar e unha vez finalizada a práctica deportiva volver deixalo dentro da caixa e pechar a porta”, explicaron fontes do Concello.
Con esta iniciativa preténdese promocionar o uso das instalacións deportivas ao aire libre “sen que as persoas usuarias teñan que trasladarse co seu propio equipamento e tamén facilitar a posibilidade de práctica ocasional ou non planificada”.
Estas caixas experimentales estarán situadas nas Pistas Deportivas de Bexo e na Pista Deportiva da
Devesa.
O Concello de Dodro agarda que “esta iniciativa teña éxito e as persoas usuarias das pistas deportivas respecten o material deportivo”. De ser así, programararíanse novas instalacións de caixas noutras pistas deportivas e incluso con outro tipo de material.
