Dodro conmemora as Letras cun espectáculo de contacontos ilustrado

A festa das Letras Galegas en Dodro será unha ocasión para celebrar a lingua e a liberdade para falala, reivindicala e escribir nela. O punto álxido das celebracións será o 17 de maio, ás 12.00 horas, na Casa da Cultura de Dodro, coa representación do espectáculo familiar Xela Arias. Liberdade, solidariedade e amor pola lingua, a cargo de Polo Correo do Vento. Haberá relatos orais, ilustracións e música para coñecer a figura da poeta homenaxeada, a súa vida e a súa obra.

Trátase dunha actuación pertencente ao Programa Rede Cultural 2021 da Deputación da Coruña. Levarase a cabo coas máis estritas medidas de seguridade sanitaria, polo que será obrigatorio o uso de máscara e haberá límite no aforo. Tamén será necesario facer a inscrición previamente.