Dodro acolleu un roteiro guiado para coñecer as plantas silvestres da súa Rede Natura e as súas propiedades

Coincidindo co Día Europeo da Rede Natura, Dodro acolleu a pasada finde unha xornada de campo para incrementar o coñecemento da veciñanza sobre os tesouros ambientais e de diversidade da súa contorna. Concretamente, achegáronse aos participantes recursos para identificar e recoñecer plantas silvestres.

A saída polo campo (un roteiro guiado pola Rede Natura local que saíu ás 9.30 horas da Casa do Concello) puxo o foco nas Brañas de Laíño e a contorna do ría Ulla ao seu paso por Dodro, unha importante reserva de biodiversidade ateigada de innumerábeis tesouros (por exemplo todo tipo de plantas medicinais e comestíbeis).

O Concello compartiu un blog onde as persoas interesadas poden informarse de todas as propiedades das plantas que poden atopar no termo municipal.

A iniciativa formou parte do programa municipal Dodro Sostible.