A Garda Civil detivo en Rianxo a un veciño de Santiago como presunto autor dun delito de falsificación de moeda, ao ser interceptado con 160 euros en billetes falsos de 10. Os feitos ocorreron a raíz do aviso de varios veciños da localidade de Tarragoña, que comunicaron que unha persoa tentara pagar as súas compras nun establecemento con moeda falsa.
Ata a localidade desprazáronse unha patrulla da Garda Civil e outra da Policía Local de Rianxo, co obxectivo de localizar a este individuo e corroborar a veracidade da información recibida. Unha vez achárono, os axentes procederon a comprobar o efectivo que portaba e constataron que 14 billetes de 10 euros presentaban a mesma numeración, o que indicaba que non eran de curso legal.
Posteriormente, realizaron unha inspección no vehículo desta persoa, onde atoparon outros dous billetes coas mesmas características. Por tanto, a cantidade total falsificada ascende a 160 euros.
