A Área de Deportes do Concello de Porto do Son organiza un curso de vendaxes funcionais para a prevención e/ou recuperación de lesións deportivas. A actividade será de balde e realizarse o 25 de maio.
O obxectivo desta acción formativa é concienciar á poboación da importancia de practicar deporte con seguridade e previr lesións, ademais de desenvolver destrezas e habilidades para poder realizar eleccións saudables relativas á práctica do deporte. Desta forma, a sesión correrá a cargo de José María Caamaño Monteagudo, fisioterapeuta especializado en lesións deportivas.
As persoas interesadas en participar deben enviar a correspondente folla de inscrición ao enderezo electrónico: jose.pazo@portodoson.gal. O prazo de inscrición comeza este mércores, 5 de maio.
